“Azərbaycana gətirilən vaksinlər ilk olaraq risk qruplarına vurulacaq ki, bunların başında da səhiyyə işçiləri gəlir”. 

Avtosfer.az-ın məlumatına görə, bunu mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

Onun sözlərinə görə, ikinci növbədə 65 yaşdan yuxarı xəstəlikləri olanlar vaksinasiya ediləcəklər.

O qeyd edib ki, hər bir vaksinin əlavə təsirləri ola bilər:

“Bu barədə məlumat istehlakçının qeydində əksini tapır. Qeyddə verilənlər seçəcəyimiz vaksində də əhəmiyyətli rol oynayır”.