Azərbaycanın "Aİ-95" və "Aİ-98" markalı benzinin idxal etdiyi ölkələrin reytinqi - FOTO

Bu ilin yanvar-sentyabr aylarında Azərbaycan 38 326,8 min ABŞ dolları dəyərində 65 172,07 ton "Aİ-95" ("Premium") markalı avtomobil benzini idxal edib.

"APA-Economics"in Dövlət Statistika Komitəsinin məlumatları əsasında apardığı hesablamalara görə, cari ilin ilk 9 ayında Azərbaycana "Aİ-95" markalı avtomobil benzininin əsas ixracatçısı Rusiya olub. Belə ki, Azərbaycanın sözügedən markalı benzin üzrə idxalının 60,4%-i məhz Rusiyanın payına düşüb. Yanvar-sentyabrda Azərbaycan Rusiyadan 23 413,22 min dollar dəyərində 39 376,6 ton "Aİ-95" markalı benzin idxal edib ki, bu da illik müqayisədə müvafiq olaraq 69,2% və 2,3 dəfə çoxdur.

Bundan əlavə, hesabat dövründə Azərbaycan bu ölkədən 229,06 ton "Aİ-98" markalı benzin idxal edib. Qeyd edək ki, ötən il Azərbaycana Rusiyadan sözügedən markalı benzin idxal edilməyib.

Bununla yanaşı, cari ilin 9 ayında Azərbaycan 1 500,72 min dollar dəyərində 1 892,54 ton "Aİ-98" ("Super") markalı avtomobil benzini idxal edib.

Hesabat dövründə Azərbaycana "Aİ-98" ("Super") markalı benzininin ixracı üzrə 62,6%-lə Belarus lider olub. Belə ki, Azərbaycan yanvar-sentyabrda bu ölkədən 1 185,35 ton "Aİ-98” benzini idxal edib. Bu, illik müqayisədə 13,8% azdır.

Azərbaycana "Aİ-95" və "Aİ-98" benzinini ixrac edən ölkələrin siyahısı: