"Azəriqaz"ın vəzifəli şəxslərinin sürücüləri işdən çıxarılırlar? - RƏSMİ AÇIQLAMA

"Azəriqaz" İstehsalat Birliyinin baş direktorunun vəzifəli şəxslərin sürücülərinin işdən azad olunması ilə bağlı əmr imzaladığı iddia edilib.

Avtosfer.az oxu.az-a istinadən xəbər verir ki, məlumatı hüquq müdafiəçisi Mirvari Qəhrəmanlı yayıb.

O qeyd edib ki, belə olan halda vəzifəli şəxslər öz maşınlarından istifadə edəcəklər və bunun müqabilində onlara təxminən 2 000-2 500 manat vəsait - maşının icarəsi və benzin pulu ödəniləcək.

Məsələ ilə bağlı "Azəriqaz" İB-nin Mətbuat Xidmətindən cavab olaraq yayılan məlumat qəti şəkildə təkzib olunub.

"Azəriqaz" İB-nin baş direktoru vəzifəli şəxslərin sürücülərinin işdən azad olunması ilə bağlı hər hansı bir əmr imzalamayıb. Yayılan məlumatın heç bir əsası yoxdur", - deyə məlumatda bildirilib.