“Azərpoçt”un mobil tətbiqində “AZQR” ödəniş funksiyası istifadəyə verilib

AZCON Holding şirkətlərindən olan “Azərpoçt” MMC müştərilərinə daha rahat və təhlükəsiz rəqəmsal ödəniş imkanı yaratmaq məqsədilə “AzPostMobile” tətbiqində “AZQR” funksiyasını istifadəyə verib.
Avtosfer.az xəbər verir ki, “AZQR” Azərbaycan Respublikası ərazisində QR kod vasitəsilə ödəniş əməliyyatlarının vahid standartlar əsasında həyata keçirilməsini təmin edən rəqəmsal ödəniş həllidir.
Yeni funksiya istifadəçilərə ticarət və xidmət obyektlərində, POS-terminal və kassa həllərində, eləcə də onlayn mağazalarda yaradılan QR kodları smartfon vasitəsilə skan edərək ödəniş aparmaq imkanı verir.
“AZQR” vasitəsilə ödəniş zamanı kart məlumatlarının tətbiqə və ya brauzerə daxil edilməsinə ehtiyac yaranmır. Ödəniş birbaşa istifadəçinin mobil tətbiqi üzərindən biometrik təsdiq və ya şifr vasitəsilə baş tutur. Beləliklə, istifadəçilər kart və ya pul kisəsi daşımadan ödənişlərini saniyələr ərzində həyata keçirə bilərlər.
Sözügedən funksiya ödəniş prosesinin sadələşdirilməsinə, kassalarda növbələrin azalmasına və əməliyyatların daha operativ həyata keçirilməsinə xidmət edir.
Qeyd edək ki, nağdsız ödənişlərin icrasını təmin edən “AZQR” funksiyası “Azərpoçt”a məxsus https://stamps.az/, www.smartpay.azvə www.postcargo.az saytlarında da aktivdir.
Bakının bu ərazilərinə giriş ödənişli olacaq – Tarixi qərar…
Taksi sürücüsü olmaq istəyənlərin NƏZƏRİNƏ
DTX-dən silahlı birləşməyə qarşı əməliyyat: Həbs edilənlər var - FOTO
Gülarəni öldürməkdə şübhəli bilinən gənclə bağlı yeni faktlar: Atası danışdı
Dövlət qurumlarının iş vaxtı dəyişdi: İki aylıq sınaq tıxacı azaltdımı?
Avtobuslar üçün ayrıca işıqforlar neçə marşrutu əhatə edəcək? - AÇIQLAMA
Bakıda bəzi yollarda hərəkət məhdudlaşdırılacaq
Tonlarla şokolad və peçenyeni oğurlayıb satdı, puluna yük maşını aldı
“Avtobusu yük maşını kimi sürür, siqaret çəkir, söyüş söyür” – 7 və 7A-dan ŞİKAYƏT
General Natiq Əliyevin qızı ilə bağlı qərar verildi
Azərbaycanda qurum rəhbəri 6000 manat maaş alacaq












