Bakıda kafedəki yanğın söndürüldü - YENİLƏNİB + FOTO

Bakı şəhərinin Nərimanov rayonunda restoran və müxtəlif təyinatlı ticarət obyektlərinin yerləşdiyi ikimərtəbəli binanın ikinci mərtəbəsinin (1250 kvadrat metr sahədə restoran yerləşir) yanar konstruksiyaları və dam örtüyü 100 kvadrat metr sahədə yanıb.

Bununla bağlı Fövqəladə Hallar Nazirliyi məlumat yayıb.

Nazirliyin Dövlət Yanğından Mühafizə Xidməti tərəfindən həyata keçirilən operativ və təxirəsalınmaz tədbirlər nəticəsində yanğının geniş əraziyə yayılmasının qarşısı alınıb.

Binanın qalan hissəsi və bitişik obyektlər yanğından mühafizə olunub.

Yanğın söndürülüb.

15:09

Bakı şəhəri, Nərimanov rayonu, Əliyar Əliyev küçəsində restoranda yanğın olub.

Bu barədə Fövqəladə Hallar Nazirliyi məlumat yayıb.

Bildirilib ki, nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunub.

Hazırda yanğınsöndürmə işləri davam etdirilir.

14:36

Bakı şəhərinin Nərimanov rayonunda kafe yanır.

Oxu.Az-ın məlumatına görə, yanğın Keşlə bazarının yaxınlığında yerləşən “50 Qəpik” kafesində baş verib.

Hazırda yanğının söndürülməsi istiqamətində tədbirlər görülür.

Hadisə yerinə Fövqəladə Hallar Nazirliyindən Dövlət Yanğından Mühafizə Xidmətinin əməkdaşları cəlb olunub.