Bakıda koronavirusa yoluxma faizi ilə bağlı XƏBƏRDARLIQ

“Bu gün ölkə üzrə koronairusa yoluxmanın 52 faizi Bakı şəhərinin payına düşür”.

Avtosfer.az-ın verdiyi məlumata görə, bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası departamentinin müdiri Yaqut Qarayeva Nazirlər Kabineti yanında operativ qərargahın brifinqində deyib.

O qeyd edib ki, iyun-iyul aylarında aparılan test nümunələrinə əsasən, yoluxma faizi 10 faizin altında olurdusa, bu gün ölkə üzrə yoluxma faizi 25-dən yuxardır:

“Yoluxma faizində artım müşahidə edilir. İntensiv terapiya və reanimasiyalarda xəstələrin sayı iki dəfə çoxdur. Bu da bəzi tədbirlərin görülməsi üçün işarələrdir”.