Bakıda tikinti şirkəti 35 evə gedən yolu bağlayır - VİDEO

Paytaxtın Yasamal rayonu Şəfayət Mehdiyev küçəsi 181/235 ünvanında yaşayan ailələr ərazidə tikinti işləri aparan şirkətdən şikayətçidir.

Avtosfer.az xəbər verir ki, REAL TV-yə müraciət edən sakinlər “Gold Residence” şirkətinin ərazidə 35 ailənin yaşadığı evlərə gedən yolu bağladığını iddia edib.

Onlar qeyd ediblər ki, şirkət müvafiq dövlət qurumundan yolu kəsməsinə dair icazə alıb və əvəzində onlara tikinti sahəsindən keçməklə yol çəkir. Bu isə təhlükəsizlik baxımından doğru deyil.

Bəzi sakinlər isə şirkətin onlara evlərinin hər kvadrat metri üçün 2000-2500 manat təklif etdiyini, lakin bu qiymətin onları qane etmədiyini bildirib.

Daha ətraflı süjetdə: