Barəsində cinayət işi açılan türkiyəli bloqerə qarşı ittihamlar məlum oldu

Ermənistanda barəsində cinayət işi açılan türkiyəli bloqer Ogün Özdemirə qarşı ittihamlar məlum olub.

Avtosfer.az Ermənistan KİV-ə istinadən xəbər verir ki, o, "Konstitusiya quruluşunun zorla dəyişdirilməsinə yönələn açıq çağırışlar və ölkənin suverenliyini inkar etmək" maddələri ilə təqsirləndirilir.

Ermənistanın İstintaq Komitəsində faktla bağlı Cinayət Məcəlləsinin müvafiq maddələri ilə istintaq aparılır.

Qeyd edək ki, bloqerə qarşı cinayət işinin açılması ilə bağlı məlumatı martın 31-də Ermənistanın Milli Təhlükəsizlik Xidmətinin rəhbəri Armen Abazyan açıqlayıb.

Xatırladaq ki, bir neçə gün əvvəl türkiyəli bloqer Ogün Özdemir İrəvandakı Respublika meydanından canlı yayım açaraq Azərbaycan xalqını Novruz bayramı münasibətilə təbrik edib. O eyni zamanda, Azərbaycan torpağında olduğunu bildirib.

Bundan sonra o, Türkiyə telekanallarından birinə müsahibə verib.