Bu küçədə yaşılda keçən sürücü 100 manat cərimələnir - VİDEO

Paytaxtın Xocalı prospektində hərəkətin düzgün şəkildə təşkil edilməməsi sürücüləri əziyyətə salır.

Bu barədə Avtosfer.az-a vətəndaşlardan biri video göndərib. Belə ki, yolayrıcında təşkil olunmuş svetoforda sağ tərəf avtobus zolağıdır. Odur ki, sürücülər həmin zolağa daxil ola bilmir. Düzünə və sola dönənlər üçün isə svetefor yanan kimi sağ tərəfə dönmə seksiyası sönür. Odur ki, sürücülər məcbur olaraq sola dönür və Ağ Şəhər istiqamətindən hərəkət edərək yollarını uzatmaq məcburiyyətində qalır.

Avtobus zolağının orda yerləşməsini lüzumsuz görünür. Çünki hər hansı sıxlıq olmur. Həmçinin sağa hərəkər üçün seksiyanın sönməsi məntiqsizdir. Çünki hər hansı maneə yoxdur.

Sürücülər aidiyyəti qurumlardan məsələyə müdaxilə etməyi xahiş edir.

Könül Rauf