Çin milli orbital stansiyaya pilotsuz "Şençjou-22" gəmisini buraxdı

Çinin "Böyük Yürüş-2F" (Long March-2F) daşıyıcı raketi "Şençjou-22" kosmik gəmisini orbitə çıxarıb. O, "Tyanqun" milli orbital stansiyasına qoşulmalıdır.

Avtosfer.az "İnterfaks"a istinadla xəbər verir ki, bu barədə Çinin Pilotlu Kosmik Uçuşlar Proqramı İdarəsi (CMSA) məlumat yayıb.

Gəmi kosmik zibillə zədələnmiş "Şençjou-20" kosmik aparatını əvəzləmək üçün stansiyaya pilotsuz rejimdə göndərilib. CMSA-nın məlumatına görə, geri qayıdan aparatın pəncərəsində böyük ehtimalla bu səbəbdən əmələ gəlmiş mikroçatlar aşkar edilib.

"Şençjou-22" stansiyanın indiki heyətini 2026-cı ildə Yerə qaytarmaq üçün nəzərdə tutulub. Heyətə taykonavtlar Can Lu, U Fey və Can Xuncjan daxildir, onlar 10-cu ekspedisiya çərçivəsində təxminən altı ay orbital laboratoriyada işləyəcəklər.

Taykonavtlar stansiyaya əvvəlki heyəti əvəzləmək üçün oktyabrın 31-də "Şençjou-21" gəmisi ilə gəliblər. Əvvəlki heyət zədələnmiş "Şençjou-20" gəmisi əvəzinə "Şençjou-21" ilə yerə qayıtmalı olub.

Daşıyıcı raket ölkənin şimal-qərbindəki Tsyutsyuan kosmodromundan Pekin vaxtı ilə saat 12:11-də (Bakı vaxtı ilə saat 8:11-də - red.) buraxılıb.