Ərdoğan sabah Xankəndiyə gələcək

Türkiyə Prezidenti Rəcəb Tayyib Ərdoğan İqtisadi Əməkdaşlıq Təşkilatının 17-ci Zirvə toplantısında iştirak etmək üçün 4 iyul 2025-ci il tarixində Azərbaycanın Xankəndi şəhərinə səfər edəcək.

Avtosfer.az xəbər verir ki, bu barədə Türkiyə Prezident Administrasiyası məlumat yayıb.

"“Davamlı və İqlimə Dayanıqlı Gələcək üçün Yeni İqtisadi Əməkdaşlıq Təşkilatının Baxışı” mövzusu altında təşkil olunacaq sammitdə iqlim dəyişikliyi, ticarət, nəqliyyat şəbəkələri və təşkilat islahatları müzakirə olunacaq, üzv ölkələr arasında əməkdaşlıq haqqında fikir mübadiləsi aparılacaq.

Ərdoğan sammitin sessiyasında çıxış edəcək və liderlərlə görüşlər keçirəcək", - deyə rəsmi məlumatda qeyd olunub. 

Sammitdə üzv ölkələrin dövlət və hökumət başçıları ilə yanaşı, KKTC də daxil olmaqla müşahidəçilər və beynəlxalq təşkilatların nümayəndələri iştirak edəcək.