Gəncədə 50 yaşlı qadın qonşu kişi tərəfindən döyülüb

Gəncə şəhərində qonşular arasında baş verən narazılıq əlbəyaxa dava ilə nəticələnib.

Hadisə Səadət Əliyeva küçəsində baş verib.

Şəhər sakini, 1971-ci il təvəllüdlü Səadət Musayeva müxtəlif xəsarətlərlə Gəncədəki xəstəxanalardan birinə gətirilib.

İlkin araşdırma zamanı müəyyən edilib ki, qadın qonşusu Arif Musayev tərəfindən döyülüb və qadının qolu sınıb.

Faktla bağlı polisə məlumat verilib, insidentin təfərrüatları araşdırılır./baku.ws