Gəncədə avtomobillərdən oğurluq edən şəxs tutulub.

Bu barədə Avtosfer.az-a Daxili İşlər Nazirliyinin (DİN) Mətbuat xidmətindən məlumat verilib.

Belə ki, Nizami (Gəncə) Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində yanvarın 2-də Gəncə şəhəri ərazisində “VAZ-21074” markalı avtomobildən mobil telefon oğurlamaqda şübhəli bilinən şəhər sakini, əvvəllər məhkum olunmuş N.Əliyev saxlanılıb.

Ətrafında aparılan tədbirlərlə onun E.Şükürovun mobil telefonunu və A.Əsgərovun “Ford” markalı avtomobilindən 3 354 manat pul oğurlaması da müəyyən edilib.