Gömrük Komitəsinin əməkdaşı ikinci dəfə ölkə çempionu oldu - FOTO

Dövlət Gömrük Komitəsi “Azərterminalkompleks” Birliyinin əməkdaşı, Vətən müharibəsi iştirakçısı Ramin Süleymanzadə pauerliftinq üzrə Azərbaycan kuboku uğrunda yarışda ikinci dəfə ölkə çempionu adını qazanıb. Komitədən Avtosfer.az-a bildirilib ki, çempioanat Gənclər və İdman Nazirliyi, Milli Olimpiya Komitəsinin təşkilatçılığı ilə keçirilib.   

DGK İdman-Sağlamlıq mərkəzinin idmançısı, 2021-ci ilin dünya çempionu Ramin Süleymanzadə 60 kq çəki dərəcəsində iştirak etdiyi bu yarışda pauerliftinqin squat hərəkətində 170 kq, benç-press hərəkətində 112 kq, deadlift hərəkətində 205 kq olmaqla, üç hərəkətin cəmində 487 kq toplayaraq ölkə çempionu elan edilib.

Bununla da idmançımız “İdman ustasına namizəd” adını qazanıb.