Gürcüstan Türkiyədən zirehli transportyorlar alır
Xəbərlər
7 Oktyabr 2022 16:09
Oxunub 626
Gürcüstan Türkiyədən NATO standartlarına uyğun yeni zirehli transportyorlar alır.
Məlumatı Gürcüstanın Müdafiə Nazirliyi yayıb.
Bildirilib ki, Türkiyə Müdafiə Nazirliyinin tabeliyində fəaliyyət göstərən “ASFAT” şirkəti ilə imzalanmış müqaviləyə əsasən Gürcüstanın Müdafiə Qüvvələrinə NATO standartlarına uyğun yeni zirehli transportyorlar çatdırılacaq. Əlavə olunub ki, Gürcüstana təqdim ediləcək zirehli transportyorlar öz avadanlıqları və alt sistemləri ilə NATO standartlarına uyğun olacaq. Məlumatda vurğulanıb ki, Gürcüstan Müdafiə Qüvvələrinin sözügedən zirehli transportyorlarla təchiz edilməsi Gürcüstanın müdafiə qabiliyyətinin güclənməsinə, həmçinin Türkiyə ilə Gürcüstan arasında əməkdaşlığın dərinləşməsinə mühüm töhfə verəcək.
apa
ŞƏRH YAZ
DİGƏR XƏBƏRLƏR
