"Hamı bir köhnə maşın tapıb Bakıda taksilik edir" - Deputat

"Bu məsələnin köklü həllini istəyiriksə, ilk növbədə paytaxt uyğun bir yerə köçürülməlidir. Bu olmadıqda, Bakıda olan bəzi ali təhsil müəssisələrini, nazirlik və komitələri digər rayonlara, şəhərlərə köçürmək olar".

Bunu "Unikal"a açıqlamasında deputat Tahir Kərimli Bakının sıxlıq və tıxac problemli ilə bağlı sualı cavablandırarkın deyib. Deputat bildirib ki, bunlarla yanaşı regionlarda iqtisadiyyat yaranmalıdır: 

"Hamı bir köhnə maşın tapıb Bakıda taksilik edir. İnsanlar regionlardan Bakıya axın gəlir. Faktiki ölkə əhalisinin yarısı və ya daha çoxu paytaxtadır. Bakıda nəfəs almaq olmur. İnsanlar iş tapa bilmədiyi üçün Bakıya doluşub. Camaatın şəhərdən kəndə qayıtmağını təmin etmək lazımdır. Onların geri qayıtması stimullaşdırılmalıdır".