Kanada “Boeing 737 Max”ın uçuşuna icazə verəcək

Kanada Nəqliyyat Nazirliyi 2019-cu ilin martında İndoneziya və Efiopiyada baş verən qəzalardan sonra “Boeing 737 Max” təyyarəsinə qoyduğu uçuş qadağasını götürəcəyini açıqlayıb.

“Report” bu barədə xarici mətbuata istinadən xəbər verir.

Nəqliyyat Nazirliyi bildirib ki, təxminən 2 illik yoxlanışın tamamladığını və təyyarələrin Kanada hava məkanına qaytarılması üçün "uçuşa yararlılıq təlimatı" verilib. "737 Max" təyyarələrinin ticarət uçuşlarını qadağan edən aviatorlar üçün bildirişin qaldırılması ilə yanvarın 20-də təyyarələrin hava məkanından istifadəsi üçün son addımların tamamlanacağı bildirilib.