Kanadanın Monreal şəhərinin ən yaxın şimal ətrafı olan Lavalın küçələrindən birində atışma nəticəsində bir nəfər ölüb.

"Report" xəbər verir ki, bu barədə CTV telekanalı məlumat yayıb.

Yerli polisin bildirdiyinə görə, asayiş keşikçiləri şəhərin rayonlarından birində atışma ilə bağlı zəngə gələrək, park edilmiş avtomobildə çoxsaylı güllə yaraları olan 31 yaşlı kişinin meyitini aşkarlayıblar. Onun avtomaşını sözün əsl mənasında güllələrlə dolu olub.

Ölən şəxsin kimliyi hələ açıqlanmayıb.

Qətllə bağlı araşdırmalara başlanılıb.