Konstitusiya Məhkəməsinə yeni hakimlər təyin edildi

Konstitusiya Məhkəməsinə dörd yeni hakim təyin olunub.

Avtosfer.az xəbər verir ki, bununla bağlı məsələ Milli Məclisin bu gün keçirilən iclasında müzakirə edilib.

Layihəyə əsasən, Rəşid Rzayev, Otari Qvaladze, Fərhad Tutayuk və Rauf Quliyevin Konstitusiya Məhkəməsinin hakimləri təyin olunması müzakirəyə çıxarılıb.

Müzakirələrdən sonra məsələ səsvermyə qoyularaq qəbul edilib.

Xatırladaq ki, R.Rzayev Bakı şəhəri Xətai Rayon Məhkəməsinin sədri, R.Quliyev isə Konstitusiya Məhkəməsinin Aparat rəhbəri olub. Otari Qvaladze və Fərhad Tutayuk isə Prezident Administrasiyasında çalışıblar.