Koronavirüsa yoluxanları ölümdən qurtaran dərmanlar AÇIQLANDI

ABŞ-ın Kolumbiya Universitetinin alimləri, xolesterol səviyyələrini salmaq üçün statin qəbul edən COVID-19 xəstələrində ölüm riskinin təxminən iki dəfə azaldığını kəşf ediblər.

Lent.az-ın xarici mediaya istinadla verdiyi xəbərə görə, tədqiqatçılar, pandemiyanın ilk 18 həftəsi ərzində xəstəxanaya yerləşdirilən 2626 koronavirus xəstəsi haqqında məlumatları təhlil ediblər. Üstəlik, 648 nəfər COVID-19-a yoluxmazdan əvvəl mütəmadi olaraq statin qəbul edib.

Statin qəbul edənlər arasında 96 nəfər (14,8 faiz) xəstəxanaya yerləşdirildikdən sonra 30 gün ərzində xəstəxanada ölüb, statin qəbul etməyənlərdə isə bu göstərici  172 xəstə (26,5 faiz) olub.

Tədqiqatçılar demoqrafik fərqləri, xəstəlikləri və xəstəliyin nəticələrinə təsir edə biləcək digər dərmanları nəzərə alıblar.
Onların dəyərləndirməsinə görə, statinlər xəstəxanaya yerləşdirilənlərin ölüm nisbətini ilk 30 gün ərzində 50 faiz azaldıb.

Dərmanlar iltihab göstəricisi olan C-reaktiv zülalı da azaldır.