Rus paraşütçü Türkiyədə ÖLDÜ

Türkiyənin Muğla şəhərinin Fethiye rayonunda qayalara çırpılan rus paraplançı Maksim Kuzin həyatını itirib.

Avtosfer.az xəbər verir ki, o, yamac paraşütü etmək üçün Ölüdəniz məhəlləsindən 1200 metr məsafədə Babadağın eniş zolağına çıxıb.

Hazırlıqlardan sonra havaya qalxan Kuzin bir müddət sonra qayaların üzərinə yıxılıb.

Hadisə yerinə xilasedicilər gəliblər. Nəzarət zamanı paraşütçünün hadisə yerində öldüyü müəyyən edilib.

Bölgə sıldırım və qayalıq olduğundan Kuzinin cəsədini yerindən tərpətmək mümkün olmayıb və hadisə yerinə helikopter yönəldilib.

Xilasedici qruplar tərəfindən helikopterə qaldırılan Kuzinin cəsədi Fethiye Dövlət Xəstəxanasına aparılıb.