Rusiyada miqrantlara kuryer işləmək də qadağan edildi

Sankt-Peterburqun qubernatoru Aleksandr Beqlov əcnəbilərin kuryer kimi işə götürülməsini məhdudlaşdıran fərman imzalayıb. Avtosfer.az “Qafqazinfo”ya istinadən xəbər verir ki, bu barədə Sankt-Peterburq hökumətinin informasiya departamenti xəbər yayıb. “Qərar kölgə məşğulluğu ilə mübarizəyə, kuryer sektorunda xidmətlərin keyfiyyətinin və təhlükəsizliyinin yaxşılaşdırılmasına, həmçinin Rusiya vətəndaşları, ilk növbədə gənclər və tələbələr üçün yeni iş yerlərinin yaradılmasına yönəlib”, - deyə qərarda vurğulanıb. Hökumət bu tədbirin çatdırılma bazarına mənfi təsir etməyəcəyi qənaətindədir.