Şəmkirdə avtomobil sexi və ev yandı - Xəsarət alan var

Şəmkir rayonunda avtomobil təmiri servisi və ona bitişik sahəsi evin bir hissəsində yanğın baş verib.

Avtosfer.az Fövqəladə Hallar Nazirliyinin saytına istinadən xəbər verir ki, Şəmkir rayonunda ümumi sahəsi 32 m² olan avtomobil təmiri sexinin lambirindən ibarət tavanı və içərisindəki avadanlıqlar, həmçinin sexə bitişik, sahəsi 340 m² olan kürsülü birmərtəbəli evin yanar konstruksiyalardan ibarət 40 m² və dam örtüyünün 30 m²-lıq hissəsi yanıb.

Yanğın zamanı müxtəlif xəsarətlər alan 1 nəfər yanğınsöndürənlər hadisə yerinə çatana qədər yerli sakinlər tərəfindən xəstəxanaya aparılıb.

Sexin və evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.