Sərt hava səbəbindən 5 hava limanı bağlanıb

ABŞ-da sərt hava səbəbindən 5 hava limanı fəaliyyətini dayandırıb. 

Avtosfer.az  xəbər verir ki, bu barədə ABŞ Federal Aviasiya Administrasiyasının məlumatında bildirilib. 

Qeyd edilib ki, hazırda Texas və Mississippi ştatlarında 2 beynəlxalq hava limanı, həmçinin, Texas və Luiziana bölgələrində yerləşən 3 regional hava limanı bağlanıb. 

ABŞ-da 3700-dən çox uçuşun ləğv edildiyi bildirilib. 

Kəskin soyuq hava ölkənin 4 milyondan çox sakininin işıqsız qalmasına səbəb olub. Dallasda havanın hərarəti mənfi 15 dərəcəyə, Oklahomada mənfi 21, Kanzasda isə mənfi 35 dərəcəyə düşüb. 

1989-cu ildən bəri qeydə alınan mövcud temperaturun rekord həddə çatdığı vurğulanıb.

Hyustonda son 122 ilin ən soyuq havası olacağı qeyd edilib. Bir neçə iri neft emalı zavodu işlərini dayandırmağa məcbur olub.