Sumqayıtda evlərdən oğurluq edən şəxs saxlanılıb

Sumqayıt şəhərində mənzildən oğurluq edilib.

Daxili İşlər Nazirliyinin mətbuat xidmətindən  verilən məlumata görə, şəhər polis idarəsinin 1-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində noyabrın 19-da şəhər ərazisindəki evlərin birindən 650 manat dəyərində qızıl-zinət əşyaları oğurlamaqda şübhəli bilinən Sumqayıt şəhər sakini, əvvəllər məhkum olunmuş X.Səfərov saxlanılıb.

Saxlanılan şəxsin ətrafında aparılan tədbirlərlə onun daha 2 evdən pul və qızıl-zinət əşyaları oğurlaması da müəyyən edilib.