Sürücülərə xəbərdarlıq: Bu yollarda təlim keçiriləcək

Bakıda beynəlxalq tədbirə hazırlıq çərçivəsində nəqliyyat vasitələrinin hərəkəti üzrə təlim keçiriləcək.

Avtosfer.az xəbər verir ki, bu barədə Daxili İşlər Nazirliyi məlumat yayıb.

Bildirilib ki, oktyabrın 11-də saat 08:00-dan 13:00-dək paytaxtın bir sıra küçə və prospektlərində nəqliyyatın hərəkəti müvəqqəti tənzimlənəcək.

Təlim Mehdi Hüseyn, İstiqlaliyyət, Zərifə Əliyeva, Üzeyir Hacıbəyli, İzzəddin Həsənoğlu, Yusif Səfərov, Gülarə Qədirbəyova və Niyazi küçələrini, həmçinin Neftçilər və Heydər Əliyev prospektlərini əhatə edəcək.

Sürücülərdən səfərlərini əvvəlcədən planlaşdırmaları, mümkün sıxlığı nəzərə almaları və alternativ yollardan istifadə etmələri xahiş olunur.