TƏBİB-dən xalq artisi ilə bağlı AÇIQLAMA

TƏBİB xalq artisti Fəxrəddin Dadaşovla bağlı açıqlama yayıb.

Qurumdan Avtosfer.az-a verilən açıqlama bildirilir ki, Respublika Təcili və Təxirəsalınmaz Tibbi Yardım Mərkəzinə 29 mart 2025-ci il, saat 10:30 radələrində Bakı şəhəri, İ. Dadaşov küçəsi 68 ünvanından müraciət daxil olub. Çağırış əsasında hadisə yerinə təcili tibbi yardım briqadası göndərilib.

Müayinə nəticəsində pasiyentin arterial təzyiqi və qan oksigeni saturasiyası normada qeydə alınıb. Vəziyyəti stabilləşdiyindən onun xəstəxanaya təxliyəsinə ehtiyac olmadığı müəyyən edilib.

Qeyd edək ki, planlı tibbi yardıma ehtiyacı olan pasiyentlər ilkin olaraq yaşadıqları ərazi üzrə poliklinikalara müraciət etməlidirlər.

Xatırladaq ki, xalq artistinin qızı Pərvanə Dadaşova Təcili və Təxirəsalınmaz Tibbi Yardım Xidmətindən şikayətlənirdi.