"Temu" şirkəti istifadəçiləri ALDADIR?

Çinin aparıcı e-ticarət firmalarından biri olan "Temu" şirkətinin Azərbaycan bazarında istifadəçiləri aldatdığı iddia olunub.

Avtosfer.az oxu.az-a istinadən xəbər verir ki, bu barədə tanınmış müğənni Nura Suri paylaşım edib.

O qeyd edib ki, şirkətin hədiyyə və bonuslarla bağlı vədləri yalandır.

"Şirkət tərəfindən proqramı yükləyən hər kəsə hədiyyə və bonuslar verilməsi vəd olunsa da, sonda vədə əməl edilmir. Bu isə dələduzluqdur", - deyə N.Suri yazıb.

Məsələ ilə bağlı "Temu"nun baş ofisindən Oxu.Az-ın sorğusuna cavab olaraq, yaranan vəziyyətdən təəssüf hissi keçirdikləri bildirilib:

"Temu"da biz sərfəli təkliflərimizə əlavə dəyər qatmaq və alış-veriş təcrübəsini artırmaq üçün tanıtım kampaniyaları yaradırıq. Hər bir kampaniyanın şərtləri aydın formada şirkətin səhifəsində qeyd edilir və mükafatların həmin qeyd olunan meyarlara cavab verilməsindən asılıdır. İstənilən çətinliklərlə bağlı müştəri xidməti komandamız hər zaman 24/7 kömək etmək üçün hazırdır", - deyə açıqlamada vurğulanıb.