Türk iş adamına məxsus şirkətin 319 min manat borcu var

Azərbaycanda fəalliyyət göstərən türkiyəli iş adamı Mustafa Korkmaza məxsus "Korkmaz Group" şirkətinin külli miqdarda vergi borcu yaranıb.  Avtosfer.az-ın "Qaynarinfo"ya istinadən məlumatına görə, şirkətin vergi borcu hazırda 319 043,66 manat təşkil edir. "Korkmaz Group" şirkəti 16 avqust 2016-cı ildə qeydiyyata alınıb. Nizamnamə kapitalı 20 manatdır. Şirkətin qanuni təmsilçisi Mustafa Korkmazdır. Şirkət vergi sistemində passiv vergi ödəyicisi kimi qeydiyyatdadır. Bir neçə il əvvəl İqtisadiyyat Nazirliyi yanında Dövlət Vergi Xidmətinin Bakı şəhər Kiçik Sahibkarlıqla İş üzrə Baş İdarəsi xüsusi icraat qaydasında məhkəməyə müraciət edərək Mustafa Korkmaza "stop” qoyulmasını xahiş etmişdi. Həmin vaxt "Korkmaz Group" MMC-nin 104 304,51 manat vergi borcu var.