Xaçmazda karantin qaydalarını pozan gözəllik salonu aşkarlanıb - FOTO

Xaçmaz Rayon Polis Şöbəsinin əməkdaşları inzibati ərazilərində xidmət aparan zaman rayon ərazisində karantin qaydalarını pozaraq gizli şəkildə fəaliyyət göstərən gözəllik salonu aşkarlayıblar. 

Bu barədə Daxili İşlər Nazirliyinin Mətbuat Xidmətinin Quba rayonundakı regional qrupundan məlumat verilib.

Polis əməkdaşları tərəfindən obyektin fəaliyyəti dayandırılıb və salonda çalışan dörd işçi barədə inzibati qaydada tədbirlər görülüb.

Faktla bağlı araşdırmalar davam etdirilir.