Yaponiyada güclü qar səbəbindən 54 uçuş təxirə salındı

Yapon aviaşirkətləri şimal əyalətlərində və Yapon dənizi sahili boyunca bölgələrdə güclü qar yağmaları səbəbindən ən azı 54 daxili uçuşu təxirə salıb.

Avtosfer.az Trend-ə istinadən bildirir ki, cədvəl dəyişiklikləri əsasən, Osaka və Tokionun Hokkaydo adası və Honsyu adasının şimalındakı Akita və Aomori bölgələrini birləşdirən marşrutlara aiddir.

Yapon dənizi sahillərinə qar yağması 14-dən 15-ə keçən gecə başlayıb. Proqnozlara görə, dekabrın 16-sı səhərədək bir sıra əyalətlərdə 90 sm-ə qədər yağıntı olacaq. Honsyunun şimal-şərqində və Hokkaydoda bu rəqəm təxminən 60-70 sm olacaq.

Səlahiyyətli orqanlar sakinləri yollardakı buzlanma riski səbəbindən mümkün olduğu təqdirdə fərdi nəqliyyat vasitələri ilə səyahət etməkdən çəkinməyə çağırıb.