Yasamalda restoranın qarşısındakı neqativ hal aradan qaldırıldı - FOTO - YENİLƏNİB

Paytaxt ərazisində səkiyə qanunsuz olaraq yerləşdirilmiş iri dibçəklər yığışdırılıb.

Bakı Şəhər İcra Hakimiyyətindən bildirilib ki, Yasamal rayonu Ə.Salamzadə küçəsindəki restoranın qarşısında səkiyə düzülən dibçəklər polis əməkdaşları və Bakı Şəhər Ticarət və Xidmət Departamentinin əməkdaşları tərəfindən ərazidən yığışdırılıb, lazımi tədbirlər görülüb.

***

Bakı şəhəri, Yasamal rayonunda sakinlər səkilərdə hərəkətə maneə yaradan iri dibçəklərin qoyulmasından şikayətçidirlər.

Avtosfer.az xəbər verir ki, bununla bağlı oxu.az-a şikayət ünvanlayan sakinlər qeyd ediblər ki, rayonun Ə.Salamzadə küçəsində, restoranın qarşısında qoyulan dibçəklər səkini ortadan kəsir, hərəkəti çətinləşdirir.

Məsələ ilə bağlı Yasamal Rayon İcra Hakimiyyətinə sorğu ünvanlanıb.