Yasamalda yeni avtobus zolağı salındı - FOTO - VİDEO

Abbas Mirzə Şərifzadə küçəsində yeni avtobus zolağları təşkil edilib.

Avtosfer.az xəbər verir ki, bu barədə Azərbaycan Yerüstü Nəqliyyat Agentliyindən (AYNA) məlumat verilib. 

Agentliyin yaydığı videoda yeni təşkil olunan zolaqla bağlı sərnişinlər öz fikirlərini dilə gətirib. Avtobus zolağının nəqliyyatın daha rahat və təhlükəsiz olduğunu, tıxacların azaldığını və səyahətlərinin daha komfortlu hala gəldiyini bildiriblər.

AYNA-dan qeyd edilib ki, şəhər nəqliyyatının daha rahat və təhlükəsiz olması üçün atılan addımlar tam sürətlə davam edəcək.