Zaqatala Hava Limanı niyə işləmir? - VİDEO
Xəbərlər 6 Oktyabr 2022 23:20 Oxunub 966
Zaqatala Hava Limanı niyə işləmir?  - VİDEO

Zaqatala Beynəlxalq Hava Limanı fəaliyyətini dayandırıb.

Bu hava limanı 2017-cı ildə əsaslı yenidənqurmadan sonra istismara verilib.

Zaqatala sakinləri deyirlər ki, açılışı olduğu gündən bu yana aeroportdan normal şəkildə istifadə edə bilməyiblər. Sakinlər həm daxili, həm də xarici səfərlər zamanı hava limanının imkanlarından yararlanmaq istəyirlər.

Yol uzun olduğu üçün Bakıdan Zaqatalaya avtomobillə getmək əksər vətəndaşlar üçün yorucudur. Ona görə də sakinlər hesab edirlər ki, hava limanı istifadəyə verilərsə qısa vaxt ərzində istədikləri yerə səfər edə bilərlər.

Turizm ekspertləri isə deyirlər ki, Zaqatala turizm üçün əhəmiyyətli regiondur, amma hava limanı fəaliyyət göstərmədiyi üçün insanlar ora getməkdən imtina edirlər.

Hava limanının fəaliyyətini dayandırmasının səbəbini öyrənmək üçün "Azərbaycan Hava Yolları" QSC-yə müraciət ünvanladıq. Lakin qurumdan suallarımıza cavab verilmədi.

ŞƏRH YAZ
Ad

E-mail

Şərh