Bakıda "avtoşluq" edən sürücü yol polisindən belə qaçdı - VİDEO

Bakıda avtoxuliqanlıq edib yol polisindən qaçan sürücü özünü videoya çəkərək sosial şəbəkə hesabında paylaşıb. Avtosfer.az xəbər verir ki, 90-BS-421 qeydiyyat nişanlı “Daewoo” markalı avtomobilin sürücüsü paytaxtın bir neçə küçəsində ziqzaq hərəkətlər edərək svetoforun qırmızı işığında hərəkət edib. O, yol hərəkəti qaydalarını müxtəlif üsullarla davamlı və qərəzli şəkildə pozaraq digər hərəkət iştirakçılarına qəza vəziyyəti yaradıb. Paylaşdığı digər görüntüdə idarə etdiyi “Vaz 2107” markalı avtomobili idarə edərkən yol polisi əməkdaşlarının saxla işarəsinə əməl etməyərək əks istiqamətli zolaqla qaçıb gizlənməyə çalışıb.

Ümid edirik ki, Dövlət Yol Polisi əməkdaşları cəmiyyət üçün təhlükə törədən bu sürücünü tapıb məsuliyyətə cəlb edəcək.

Təbriz