Bakıda yüksək sürətlə ötmə edən sürücü ölümdən belə döndü - VİDEO

Bakıda sürücünün intizamsızlığı faciə ilə nəticələnəcəkdi. Təhlükəli anlar yaşadan sürücünün hərəkəti avtomobildəki kameraya qeyd olunub. Avtosfer.az xəbər verir ki, günün qaranlıq saatında paytaxtın Koroğlu Rəhimov küçəsində hərəkət edən "Vaz" markalı avtomobilin sürücüsü, qarşısında hərəkət edən nəqliyyat vasitəsini ötmək üçün qoşa xəttin tələbini pozaraq əks istiqamətə çıxıb. O, qarşıdan avtomobillərin gəlməsinə əhəmiyyət verməyərək yüksək sürətlə axına qarşı hərəkət edib. Bu zaman görüntünü qeydə alan sürücü həmin avtomobili son anda görərək qəfil sağa manevr edib və faicəvi sonluqla nəticələnəcək qəzadan yan keçib.

Qeyd edək ki, sürücülər yollarda əsasən sol zolaqla hərəkət etməyə üstünlük verirlər. Mütəxəssislər sol zolağın nə qədər təhlükəli olduğunu dəfələrlə sürücülərin nəzərinə çatdırıb. Qəzaların böyük qismi də kənar sol zolaqda baş verdiyi üçün, həmin zolaqlar təhlükəli sayılır. Buna görə də həmin zolaqlarla hərəkət edən sürücülər qaydaları pozmamalı və daha diqqətli olmalıdırlar.

Təbriz