Boş yeri qoyub həm piyadaların, həm də sürücülərin yolunu kəsdi - VİDEO

Bakıda yolu kəsən sürücünün videosu kameraya düşüb. Avtosfer.az xəbər verir ki, hadisə mayın 2-də, paytaxtın Ziya Yusifzadə küçəsində qeydə alınıb. Belə ki, “Toyota Prius” markalı avtomobilin sürücüsü sözügedən yolda 203 nömrəli məktəbin qarşısında - hərəkət hissəsində və piyada keçidinin üzərində dayanaraq marketdən aldığı malları avtomobilə yükləməyə başlayıb. Onun orada dayanması yolu daraltdığı üçün digər sürücülər səki daşlarına sürtünərək keçiblər.

Videogörüntüdən aydın şəkildə görünür ki, dayanmış maşından geridə və bir az irəlidə parklanma üçün boş sahə var. Lakin sürücü 2-3 metr piyada yol getməmək üçün bu variantı seçib və ona irad bildirən sürücülərə qarşı kobudluq edib.

Sözügedən videonu təqdim edirik:

Leyla