Əks yolla gedən müəllim: “Qardaş, universitetə gedirəm e..” - VİDEO

Hüseyn Cavid prospektinin Məmməd Rəhim küçəsində qayda pozan müəllimin dialoqu sosial şəbəkədə gülüş obyektinə çevrilib.
Avtosfer.az-ın məlumatına görə, hadisə oktyabrın 31-də saat 19:29 radələrində qeydə alınıb. Videodan göründüyü kimi, 90-XD-700 dövlət nömrə nişanlı “Toyota Prado” markalı avtomobilin sürücüsü əks yolla hərəkət edib. Üstəlik sürücüyə cavab verən şəxs bəhanə gətirərək bunu qəsdən etdiyini göstərib. Belə ki, qayda pozan şəxs, “Bura protivdir, qardaş” deyə, şikayətini bildirən sürücüyə “Qardaş, mən universitetə gedirəm e. Mənə icazə veriblər oradan” söyləyərək özünü gülünc vəziyyətə salıb. Bu zaman sürücü əsəbiləşərək “Universitetə gedən belə edirsə onda başqaları nə etsin” deyə, cavab verib.

Nərmin