Həftə sonları avtobus dayanacaqlarında maşın park etmək olar? - RƏSMİ AÇIQLAMA

Azərbaycanda yaranmış sanitar-epidemioloji vəziyyətlə əlaqədar həftə sonları ictimai nəqliyyatın hərəkəti dayandırılıb. Buna görə də paytaxt küçələrində yerləşən avtobus dayanacaqları həmin günlərdə boş qalır. Bəs görəsən sürücülər həftə sonu ictimai nəqliyyatın işləmədiyi bir vaxtda boş qalmış avtobus dayanacaqlarında dayana bilərlərmi?

Bakı Nəqliyyat Agentliyinin mətbuat katibi Mais Ağayev Avtosfer.az-a bildirib ki, həftə sonları ictimai nəqliyyatın işləməməsinə baxmayaraq  dayanacaqlarda dayanma-durma yenə də qadağan edilir. "Çünki ümumi istifadədə olan nəqliyyat vasitələrinin dayanacağında dayanmaq məsələsi qüvvədə olma vaxtı ilə müəyyən olunmadığı üçün digər nəqliyyat vasitələrinin sürücüləri günün və həftənin saatından asılı olmayaraq orada dayanmamalıdırlar."

Mais Ağayev onu da qeyd edib ki, ötən il karantin rejimi başlayan zaman mart ayından iyul ayına kimi Bakı şəhəri ərazisində intesiv hərəkət olmadığına görə, dayanma-durma qaydasını pozan sürücülər barəsində heç bir inzibati məsuliyyət tədbirləri görülmürdü. "Lakin hazırda karantin rejimi yumşaldıldığı üçün yollarda intensiv hərəkət müşahidə olunur. Buna görə də dayanma-durma qaydasını pozan sürücülərə qarşı hər hansı bir güzəşt nəzərdə tutulmayıb."

Təbriz