Maşının qabağını qaldırıb "avtoşluq" edən sürücü həbs olundu və 1 il müddətinə... - VİDEO

Bakıda avtoxuliqanlıq edib təhlükə yaradan sürücü həbs edilib. Bu barədə Bakı şəhər Dövlət Yol Polisi İdarəsindən Avtosfer.az-a məlumat verilib. Araşdırma zamanı məlum olub ki, sükan arxasında 2001-ci il təvəllüdlü Mustafazadə Mustafa olub. O, paytaxtın Əliyar Əliyev küçəsində əks yola çıxaraq axına qarşı hərəkət etdiyinə görə, daha sonra svetoforun qırmızı işığında hərəkət edərək qarşıdan gələn avtomobillərə təhlükə yaratdığına görə barəsində İnzibati Xətalar Məcəlləsinin 511.1.3-cü maddəsi ilə protokol tərtib edilib və toplanmış materiallar baxılması üçün aidiyyəti üzrə Nərimanov rayon Məhkəməsinə göndərilib. Keçirilən məhkəmə zamanı sürücü M.Mustafazadə törətdiyi qayda pozuntularını səmimi şəkildə etiraf edərək özünü təqsirli bilib. Bu səbəbdən onun sürücülük hüququ 1 il müddətinə məhdudlaşdırılmaqla barəsində 15 gün müddətinə inzibati həbs qərarı verilib.

Leyla