Abşeronda ölümlə üz-üzə olan "avtoş"un ŞOK VİDEOSU- 90-ZH-502

Abşeronda avtoxuliqanlıq edən sürücü cəmiyyətə açıq hörmətsizlik etməklə, digər hərəkət iştirakçılarının – sürücü və piyadaların həyatına real təhlükə yaradıb. Avtosfer.az">Avtosfer.az xəbər verir ki, 90-ZH-502 qeydiyyat nişanlı "Kia Sportage" markalı avtomobilin sürücüsü etdiyi hərəkətlərin çəkilişlərini apararaq sosial şəbəkədəki özünə aid olan səhifədə yerləşdirməklə hüquqazidd əməllərini təbliğ edib.

Sürücü idarə etdiyi avtomobillə Masazır qəsəbəsi Əliağa Vahid küçəsində əks istiqamətdə və sərt döngələrdə axına qarşı hərəkət edərək qəsdən qarşıdan gələn avtomobillərin üzərinə sürüb. Həmçinin müxtəlif vaxtlarda Bakı-Sumqayıt yolunda yüksək sürətlə hərəkət edərək davamlı şəkildə ötmə və manevr qaydalarını kobud şəkildə pozub. O, avtomobillərin arasından şütüyərək həm öz həyatını, həm də digər sürücü və sərnişinlərin həyatını risk altına alıb.
Eyni zamanda Masazır dairəsində digər nəqliyyat vasitəsi ilə yarış keçirməsi və svetoforun qırmızı işığında dayanmaması görüntüdə öz əksini tapıb.

Ümid edirik Dövlət Yol Polisi İdarəsinin rəhbərliyi avtoxuliqanlıq edən həmin şəxs barəsində ciddi tədbirin görülməsi ilə bağlı göstəriş verəcək.

Təbriz