Qayda pozub qəza törədən sürücü sərnişinlərlə birgə hücuma keçdi - VİDEO

Binəqədi rayonu ərazisində əks istiqamətə çıxıb qəza törədən sürücü hadisə yerindən yayınıb. Sürücünün hərəkətləri anbaan avtomobildəki kameraya qeyd olunub. Avtosfer.az xəbər verir ki, iyulun 7-də sözügedən yolda əks istiqamətli zolağa çıxan 99-VU-775 qeydiyyat nişanlı “Volkswagen” markalı avtomobilin sürücüsü sağ zolağa yerdəyişmə edərək qarşısındakı avtomobili vurub. Görüntünü qeydə alan sürücünün işıq siqnalı ilə xəbərdarlıq etməsindən qəzəblənən “Volkswagen”in sürücüsü və sərnişinləri avtomobildən düşərək onun üstünə gəliblər: “Onlar mənə yaxınlaşaraq kobudluq etməyə başladılar və “yaxşı edirəm, sən mənə yol verməlisən”- deyərək özlərini haqlı çıxarmağa başladılar. Daha sonra toqquşduğu avtomobilin sürücüsünə də əhəmiyyət verməyərək hadisə yerindən yayınıb”- deyə sürücü bildirib.

Sözügedən videonu təqdim edirik:

Fərid