Qəfil sola dönən sürücü motosikletlə toqquşmaqdan son anda qurtuldu - ANBAAN VİDEO

Binəqədi-Novxanı yolunda qayda pozan sürücü anbaan kameraya düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Belə ki, hərəkətdə olan 50-ES-826 dövlət nömrə nişanlı “Toyota Prius” markalı avtomobilin sürücüsü qoşa xəttin tələbini pozaraq qanidən sola dönüb. Bu zaman o, hərəkətdə olan motosikletə təhlükə yaradıb. Xoşbəxtlikdən qəza baş verməyib.

Xatırladaq ki, bu qayda pozuntusu İnzibati Xətalar Məcəlləsinin 327.2-ci maddəsinə əsasən 3 bal 100 manat məbləğində cəriməylə nəticələnə bilər.

Nərmin