Sol zolağı zəbt edən sürücü maşınları ötməyə qoymadı - VİDEO

Bakıda qaydaları pozan yük avtomobilinin sürücüsü digər sürücüləri qəzəbləndirib. Oxuculardan biri hadisə yerindən qeydə aldığı videonu redaksiyamızın elektron ünvanına göndərib. Avtosfer.az xəbər verir ki, hadisə noyabrın 14-də, paytaxtın Ziya Bünyadov prospektində baş verib. Belə ki, kabin nömrəsi 77-DR-319, qoşqu nömrəsi isə 99-ZD-884 olan "MAN" markalı yük avtomobilinin sürücüsü yolboyu sol zolaqla hərəkət edərək arxadan gələn avtomobillərin qarşısını kəsib. Sürücülər onu ötmək üçün sağ zolaqla hərəkət etməyə məcbur olublar.

"Yol hərəkəti haqqında" qanunun 49-cu maddəsində qeyd olunub ki, eyni istiqamətdə üç və daha çox hərəkət zolağı olan yolda tam kütləsi 3,5 tondan çox olan nəqliyyat vasitələri həmin istiqamətdə sol kənar hərəkət zolağını tutmamalıdır. Bu qaydanın pozulmasına görə qanunda 40 manat cərimə nəzərdə tutulub.

Könül