Sumqayıtda işıqforu saymayan avtobus sürücüsü sərnişinləri təhlükəyə atdı - VİDEO

Sumqayıt şəhəri, Nəriman Nərimanov küçəsində yol hərəkəti qaydalarını pozan sürücü kameraya düşüb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Görüntülərdə 7A nömrəli müntəzəm marşrut xətti üzrə hərəkət edən 50-AF-379 dövlət qeydiyyat nişanlı “Yutong” markalı avtobusun sürücüsünün işıqforun qırmızı siqnalına məhəl qoymadan yolayrıcına daxil olduğu açıq şəkildə əks olunub.

Şikayətçinin sözlərinə görə, sürücü daha əvvəl də eyni qaydanı pozub və bu zaman onu çaşdıraraq az qala xəta törətməsinə səbəb olub.

Qeyd edək ki, ictimai nəqliyyat vasitələrini idarə edən sürücülər üçün belə qayda pozuntuları daha ciddi risk yaradır. Çünki sərnişin daşıyan nəqliyyat vasitəsinin qəfil və nəzarətsiz hərəkəti həm piyadaların, həm də digər sürücülərin həyatını təhlükə altına qoyur. Xüsusilə yolayrıclarında qırmızı işıq siqnalının pozulması yüksək sürətlə toqquşma ehtimalını artırır və nəticələri ağır ola bilər.

Nərmin