Sürücünün zibillədiyi küçəni qadınlar təmizlədi - VİDEO

Bakıda sürücünün küçəni zibilləməsi kameraya düşüb. Avtosfer.az xəbər verir ki, iyulun 4-də paytaxtın Fətəli Xan Xoyski küçəsində hərəkət edən 99-XL-779 qeydiyyat nişanlı “Opel” markalı avtomobilin sürücüsü maşında olan tullantını bayıra ataraq küçəni zibilləyib. Videogörüntünü qeydə alan sürücü növbəti gün həmin küçədə hərəkət edərkən yaşlı qadının yolu təmizləməsinin şahidi olub. Bu qadınların günün qızmar vaxtında, qışın şaxtalı günlərində nə qədər əziyyət çəkdiklərini düşünərək küçələrin təmizliyini qoruyub saxlamalıyıq. Onlar kiminsə atdığı tullantını yığışdırmaq üçün deyil, təbii yolla yaranan zibilləri təmizləmək üçün xidmət edirlər.

Fərid