Təcili yardım üçün açılan yoldan “Prius”lar baxın necə istifadə etdi - VİDEO

Paytaxtın Babək prospektində kobud qayda pozan sürücülər kameraya düşüb. 
Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Videodan göründüyü kimi, 77-LF-479 dövlət nömrə nişanlı “Toyota Prius” markalı və 10-DY-456 dövlət nömrə nişanlı “Toyota Prius” markalı avtomobillərin sürücüləri yolda yaranmış boşluqdan istifadə ediblər. Belə ki, onlar öndə gedən təcili yardım maşınına qoşularaq hərəkət ediblər. 
İnzibati Xətalar Məcəlləsinin 331-ci maddəsinə görə, xüsusi səs, qırmızı və ya göy sayrışan işıq siqnalı verən, keçid üstünlüyü hüququna malik olan nəqliyyat vasitələrinə yol verilməməsinə və ya belə nəqliyyat vasitəsinin müşayiət etdiyi mütəşəkkil nəqliyyat dəstəsinə qoşularaq hərəkət edilməsinə görə sürücü yüz manat məbləğində cərimə edilir. 
Qayda pozan hər iki sürücü təcili yardım maşınına qoşularaq onu müşayiət etdiyi üçün birbaşa məsuliyyət yaradıb və bu halda 3 bal 100 manat məbləğində cərimə yazıla bilər. 

Nərmin