Tıxacda dayanmağa səbri çatmayan sürücü görün nə etdi - VİDEO

Tıxacda gözləməyə səbri çatmayan sürücü əks yola çıxaraq qabağa düşməyə çalışarkən kameralardan qaça bilməyib.
Avtosfer.az bildirir ki, 99-VZ-099 nömrə nişanlı yük avtomobilinin sürücüsü getdiyi yolun tıxaclı olmasından yararlanaraq yolu daha tez bitirmək üçün bir neçə dəfə əks yola çıxıb. Bununla o, həm qarşı yolda tıxaca səbəb olub, həm də qəza şəraiti yaradıb. Onun bu hərəkətindən qəzəblənən digər bir sürücü avtomobilinin kamerasına düşən görüntüləri Avtosfer.az-a göndərərək vəziyyətin işıqlandırılmasını istəyib. 
Qeyd edək ki, belə sürücülərin səbrsiliyinə görə nə qəzalar azalır, nə də tıxaclar. Amma elə məhz belə sürücülər yolların vəziyyətindən şikayətlənərək avropaya baxıb həsəd aparır. Hər kəs ilk öncə özündən başlasa bu problemlər də aradan qalxar. Avropaya baxmaqdansa özümüzə nəzər yetirək. 

Aysel