Trendə düşmək istəyən sürücüdən təhlükəli hərəkətlər - VİDEO

Yol hərəkəti qaydalarını müxtəlif üsullarla pozan sürücü qeydə aldığı videoları sosial şəbəkə hesabında paylaşıb. Avtosfer.az xəbər verir ki, sürücü idarə etdiyi 90-LE-246 qeydiyyat nişanlı "Hyundai" markalı avtomobilin sükanı arxasında təhlükəsizlik kəmərindən istifadə etməyib. Həmçinin hərəkət zamanı telefondan istifadə edən zaman hər iki əlini sükandan çəkərək avtomobili nəzarətsiz şəkildə buraxıb.

Digər videogörüntülərdə isə sürücü qəsdən əks istiqamətə çıxaraq svetoforun qırmızı işığında hərəkət edib və lüzumsuz şəkildə manevrlər edərək qaydaları kobud şəkildə pozub.

Qeyd edək ki, sürücünün çəkib paylaşdığı videolar və montaj edilən səslər digər sürücülər üçün pis nümunədir. İnsanlar bir-birinə baxaraq eyni hərəkətləri edib videoya çəkirlər və həmin videoları trendə çevirirməyə çalışırlar. Bu əməllərin sonu isə bir gün ağır yol nəqliyyat hadisəsi ilə nəticələnir. Lakin insanlar bu qəzalara sadəcə baxaraq keçir və heç bir nəticə çıxartmır.

Təbriz