Zolağa “soxuldu”, üstəlik əsəbiləşib qarşı tərəfi günahlandırdı - VİDEO

Paytaxtın Tbilisi prospektində qayda pozan sürücü kameraya düşüb.

Avtosfer.az-ın məlumatına görə, hadisə aprelin 22-də saat 12:00 radələrində qeydə alınıb. Kadrlardan aydın olur ki, 77-MB-488 dövlət nömrə nişanlı “Toyota” markalı avtomobilin sürücüsü manevr qaydalarını pozaraq təhlükəli vəziyyət yaradıb. Belə ki, o, hərəkətdə olduğu zolaqdan sağa manevr edib və bu zaman həmin zolaqdakı nəqliyyat vasitəsini sıxışdırıb. Təhlükə ilə üzləşən digər sürücü siqnal verərək ona xəbərdarlıq etsə də, qayda pozan şəxs aqressiv reaksiya verərək öz hərəkətinə haqq qazandırmağa çalışıb. Daha sonra o, sürücünün etirazına məhəl qoymadan onun önünə keçərək yoluna davam edib.

Qeyd edək ki, sürücülər zolaq dəyişdirərkən digər hərəkət iştirakçılarına üstünlük verməli, təhlükə yaratmamalıdır. Əks halda, bu kimi hallar inzibati məsuliyyət yaradır və yol-nəqliyyat hadisələrinə gətirib çıxara bilər. 

Nərmin